hisar-e-jang

salīb-ārāsta maqtal charāġhāñ hai jahāñ maiñ huuñ

idhar tum ho udhar duniyā khaḌī hai darmiyāñ maiñ huuñ

shikāyat kyā karūñ mujh par agar patthar baraste haiñ

maiñ apne aap ko shāḳh-e-samar-var keh ke hañstā huuñ

sarāpā tum ho merī jān-o-dil se maiñ tumhārā huuñ

jo duurī hai to duurī ko muqaddar kah ke hañstā huuñ

tumheñ andesha-e-rusvā.ī-o-ḳhauf-e-jahāñ hogā

magar mujh se bahut din tak ḳhud-āzādī nahīñ hogī

tum ik dīvār ho maiñ zer-e-sāya huuñ ba-jā lekin

mujhe sar maar kar marne meñ dushvārī nahīñ hogī

salib-arasta maqtal charaghan hai jahan main hun

idhar tum ho udhar duniya khaDi hai darmiyan main hun

shikayat kya karun mujh par agar patthar baraste hain

main apne aap ko shaKH-e-samar-war keh ke hansta hun

sarapa tum ho meri jaan-o-dil se main tumhaara hun

jo duri hai to duri ko muqaddar kah ke hansta hun

tumhein andesha-e-ruswai-o-KHauf-e-jahan hoga

magar mujh se bahut din tak KHud-azadi nahin hogi

tum ek diwar ho main zer-e-saya hun ba-ja lekin

mujhe sar mar kar marne mein dushwari nahin hogi