aazadi ka tarana

bhārat kī sarzamīn pe har shai kā muskurānā

ye dil-nashīñ fazā.eñ aur ye samāñ suhānā

har zarra mah-jabīñ hai phūloñ bharī zamīñ hai

jis par hai naaz sab ko vo taaj bhī yahīñ hai

āzād ye gulistāñ āzād āshiyāna

ye dil-nashīñ fazā.eñ aur ye samāñ suhānā

baapū ne is chaman ko kis pyaar se sañvārā

ye prem kī hai dhartī ye desh hai hamārā

dekho hai kitnā pyārā bulbul kā chahchahānā

ye dil-nashīñ fazā.eñ aur ye samāñ suhānā

ye desh ik chaman hai phūloñ kī anjuman hai

'īsā.ī hindū muslim sab kā yahī vatan hai

aisī haqīqatoñ ko kahte nahīñ fasāna

ye dil-nashīñ fazā.eñ aur ye samāñ suhānā

apnā ye desh pyārā apnā tirangā parcham

zarre haiñ yā sitāre motī haiñ yā hai shabnam

hai ḳhush-gavār kitnā āzād ye zamāna

ye dil-nashīñ fazā.eñ aur ye samāñ suhānā

āġhosh meñ vatan ke raushan haiñ lā'l-o-gauhar

utre hue haiñ jaise dhartī pe māh-o-aḳhtar

ashjār gā rahe haiñ jaise 'zafar' tarānā

ye dil-nashīñ fazā.eñ aur ye samāñ suhānā

bhaarat ki sarzamin pe har shai ka muskurana

ye dil-nashin fazaen aur ye saman suhana

har zarra mah-jabin hai phulon bhari zamin hai

jis par hai naz sab ko wo taj bhi yahin hai

aazad ye gulistan aazad aashiyana

ye dil-nashin fazaen aur ye saman suhana

bapu ne is chaman ko kis pyar se sanwara

ye prem ki hai dharti ye desh hai hamara

dekho hai kitna pyara bulbul ka chahchahana

ye dil-nashin fazaen aur ye saman suhana

ye desh ek chaman hai phulon ki anjuman hai

'isai hindu muslim sab ka yahi watan hai

aisi haqiqaton ko kahte nahin fasana

ye dil-nashin fazaen aur ye saman suhana

apna ye desh pyara apna tiranga parcham

zarre hain ya sitare moti hain ya hai shabnam

hai KHush-gawar kitna aazad ye zamana

ye dil-nashin fazaen aur ye saman suhana

aaghosh mein watan ke raushan hain la'l-o-gauhar

utre hue hain jaise dharti pe mah-o-aKHtar

ashjar ga rahe hain jaise 'zafar' tarana

ye dil-nashin fazaen aur ye saman suhana