aaina

us ne sochā ki fasāna gul kā

dasht kī ḳhushk zabāñ par likh duuñ

us ne sochā ki mohabbat ke usuul

vaqt ke reg-e-ravāñ par likh duuñ

sab suneñ dil ke dhaḌakne kī sadā

fursat-e-jumbish-e-lab sab ko mile

is tarah anjuman-ārā.ī ho

gosha-e-bazm-e-tarab sab ko mile

sab ne dekhā dar-e-zindāñ kā dahan

pa.e-tā'zīm khulā band huā

bārish-e-sang huī phuul khile

kaun is raah meñ ḳhursand huā

ye koī qissa-e-pārīna hai

yā mire sāmne ā.īna hai

us ne socha ki fasana gul ka

dasht ki KHushk zaban par likh dun

us ne socha ki mohabbat ke usul

waqt ke reg-e-rawan par likh dun

sab sunen dil ke dhaDakne ki sada

fursat-e-jumbish-e-lab sab ko mile

is tarah anjuman-arai ho

gosha-e-bazm-e-tarab sab ko mile

sab ne dekha dar-e-zindan ka dahan

pae-ta'zim khula band hua

barish-e-sang hui phul khile

kaun is rah mein KHursand hua

ye koi qissa-e-parina hai

ya mere samne aaina hai