ye to jab mumkin hai

phir chale aa.e haiñ hamdam le ke hamdardī ke daam

āhu-e-ram-ḳhurda kī vahshat baḌhāne ke liye

mere dil se terī chāhat ko miTāne ke liye

chheḌ kar afsāna-e-nā-kāmī-e-ahl-e-vafā

terī majbūrī ke qisse merī barbādī kī baat

apnī apnī sarguzashteñ dūsroñ ke tajrabāt

in ko kyā mā'lūm lekin terī chāhat ke karam

merī tanhā.ī ke dozaḳh merī jannat kā bharam

terī āñkhoñ kā vafā-āmez afsurda-jamāl

kaash itnā soch sakte ḳhair-ḳhvāhoñ ke dimāġh

ye to jab mumkin hai bujh jaa.e har aañsū har charāġh

ḳhud ko in meñ dafn kar duuñ bhuul jā.ūñ apnā naam

phir chale aae hain hamdam le ke hamdardi ke dam

aahu-e-ram-KHurda ki wahshat baDhane ke liye

mere dil se teri chahat ko miTane ke liye

chheD kar afsana-e-na-kaami-e-ahl-e-wafa

teri majburi ke qisse meri barbaadi ki baat

apni apni sarguzashten dusron ke tajrabaat

in ko kya ma'lum lekin teri chahat ke karam

meri tanhai ke dozaKH meri jannat ka bharam

teri aankhon ka wafa-amez afsurda-jamal

kash itna soch sakte KHair-KHwahon ke dimagh

ye to jab mumkin hai bujh jae har aansu har charagh

KHud ko in mein dafn kar dun bhul jaun apna nam