mera qatl
maiñ aañsū DhūñDhtā huuñ apnī āñkhoñ meñ
ki in āñkhoñ kī vīrānī
mire maazī se bhī inkār kartī hai
ye aglī sā'atoñ kī narm dastak hai ki merā dil dhaḌaktā hai
ye chehre
jin se merī bazm meñ kal tak charāġhāñ thā
inheñ pahchāntā huuñ maiñ
magar kis se koī pūchhe
vo lamha kaun sā thā jis pe mere qatl kā ilzām aatā hai
bahut hairān ho kar sochtā huuñ maiñ
ki apne qatl kī rūdād kyā likkhūñ
mirī āñkhoñ kī vīrānī ye kahtī hai
tarastī huuñ maiñ shabnam ko samundar suukh jā.egā
koī āvāz de shām-e-alam sub.h-e-ġharībāñ ko
ki do aañsū 'atā kar de
vo mere qatl kī rūdād hī likh de
main aansu DhunDhta hun apni aankhon mein
ki in aankhon ki virani
mere mazi se bhi inkar karti hai
ye agli sa'aton ki narm dastak hai ki mera dil dhaDakta hai
ye chehre
jin se meri bazm mein kal tak charaghan tha
inhen pahchanta hun main
magar kis se koi puchhe
wo lamha kaun sa tha jis pe mere qatl ka ilzam aata hai
bahut hairan ho kar sochta hun main
ki apne qatl ki rudad kya likkhun
meri aankhon ki virani ye kahti hai
tarasti hun main shabnam ko samundar sukh jaega
koi aawaz de sham-e-alam subh-e-ghariban ko
ki do aansu 'ata kar de
wo mere qatl ki rudad hi likh de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
