dosti aap se hai muddat ki

talḳh vahmoñ ke saḳht pahre meñ

soch le jaa.e aise jangal meñ

ġham kī begār jis meñ dil bhugte

kuchh na sūjhe basīt saa.e meñ

manzileñ chhūT jaa.eñ raste meñ

pai-ba-pai Thokareñ haiñ pāzebeñ

guuñj ban ban ke chūḌiyāñ khankeñ

jhumkiyoñ ko tuyūr chhū ke uḌeñ

phaile hāthoñ pe aa gireñ patte

āhaTeñ ajnabī darindoñ kī

zarb-e-tesha kī tarh dil pe paḌeñ

oḌhnī shāḳh shāḳh uljhā.e

zehn soche to ruuh Dar jaa.e

aap se hai mohabbatoñ ko sabāt

aise meñ aap hī kā raushan haath

merī uñglī ko thaam letā hai

kitnī shafqat se mere kānoñ meñ

koī merā hī naam letā hai

kirneñ rim-jhim barasne lagtī haiñ

manzileñ rāstoñ se jhāñktī haiñ

hausle mor ban ke nāchte haiñ

talKH wahmon ke saKHt pahre mein

soch le jae aise jangal mein

gham ki begar jis mein dil bhugte

kuchh na sujhe basit sae mein

manzilen chhuT jaen raste mein

pai-ba-pai Thokaren hain pazeben

gunj ban ban ke chuDiyan khanken

jhumkiyon ko tuyur chhu ke uDen

phaile hathon pe aa giren patte

aahaTen ajnabi darindon ki

zarb-e-tesha ki tarh dil pe paDen

oDhni shaKH shaKH uljhae

zehn soche to ruh Dar jae

aap se hai mohabbaton ko sabaat

aise mein aap hi ka raushan hath

meri ungli ko tham leta hai

kitni shafqat se mere kanon mein

koi mera hi nam leta hai

kirnen rim-jhim barasne lagti hain

manzilen raston se jhankti hain

hausle mor ban ke nachte hain