taskin ke paikar mein Dhali nat kahi

taskīn ke paikar meñ Dhalī naa't kahī

jab shiddat-e-āzār baḌhī naa't kahī

juz is ke kisī kā bhī sahārā na liyā

jab ġham se rihā.ī na milī naa't kahī

is sinf ko allah ne ye e'zāz diyā

qur.ān kī sūrat meñ jalī naa't kahī

jis vaqt madīne kā ḳhayāl aayā mujhe

sarkār-e-do-'ālam kī koī naa't kahī

maiñ ne gul-e-chīda ke taqarrub ke liye

gul-hā-e-chunīda se guñdhī naa't kahī

jab jab ġham-e-duniyā ne pareshān kiyā

har baar salīqe se na.ī naa't kahī

is Dor kī mazbūtī musallam hai 'sahar'

jab ḳhatm har ummīd huī naa't kahī

taskin ke paikar mein Dhali na't kahi

jab shiddat-e-azar baDhi na't kahi

juz is ke kisi ka bhi sahaara na liya

jab gham se rihai na mili na't kahi

is sinf ko allah ne ye e'zaz diya

quran ki surat mein jali na't kahi

jis waqt madine ka KHayal aaya mujhe

sarkar-e-do-'alam ki koi na't kahi

main ne gul-e-chida ke taqarrub ke liye

gul-ha-e-chunida se gundhi na't kahi

jab jab gham-e-duniya ne pareshan kiya

har bar saliqe se nai na't kahi

is Dor ki mazbuti musallam hai 'sahar'

jab KHatm har ummid hui na't kahi