kab aai ambiya mein ye shan-e-mustafai

kab aa.ī ambiyā meñ ye shān-e-mustafā.ī

ik haath meñ risālat ik haath meñ ḳhudā.ī

ḳhalvat meñ jab ḳhudā thā masrūf-e-rū-numā.ī

sarkār ko vahāñ bhī ummat kī yaad aa.ī

ḳhud hī zuhūr-e-avval ḳhud hī zuhūr-e-āḳhir

vo shān-e-ibtidā.ī ye shān-e-intihā.ī

duniyā hai jis se raushan vo nuur aap kā hai

shams-o-qamar to haiñ ḳhud us nuur ke fidā.ī

allah re un ke gesū allah re un ke 'āriz

tā'rīf kī na rab ne jab tak qasam na khaa.ī

dekhā nabī ne rab ko rab ne nabī ko dekhā

me'rāj meñ thī goyā do tarfa rū-numā.ī

dekhā hai jab se un ko hairat-zada hai nargis

ik pal na aañkh jhapkī ik pal na niiñd aa.ī

karnā paḌā hai us ko me'rāj kā bahāna

pahuñchī 'urūj par jab mahbūb kī judā.ī

ik nisbat-e-qadam ne qismat badal ke rakh dī

nā'lain jaisī shai ne kī 'arsh tak rasā.ī

allah ke baa'd un se koī baḌā nahīñ hai

paayā hai bandagī meñ andāz-e-kibriyā.ī

kyuuñ fikr-e-maġhfirat hai tum ko 'adīl' āḳhir

jab un ke haath meñ hai mahshar kī kārvā.ī

kab aai ambiya mein ye shan-e-mustafai

ek hath mein risalat ek hath mein KHudai

KHalwat mein jab KHuda tha masruf-e-ru-numai

sarkar ko wahan bhi ummat ki yaad aai

KHud hi zuhur-e-awwal KHud hi zuhur-e-aKHir

wo shan-e-ibtidai ye shan-e-intihai

duniya hai jis se raushan wo nur aap ka hai

shams-o-qamar to hain KHud us nur ke fidai

allah re un ke gesu allah re un ke 'ariz

ta'rif ki na rab ne jab tak qasam na khai

dekha nabi ne rab ko rab ne nabi ko dekha

me'raj mein thi goya do tarfa ru-numai

dekha hai jab se un ko hairat-zada hai nargis

ek pal na aankh jhapki ek pal na nind aai

karna paDa hai us ko me'raj ka bahana

pahunchi 'uruj par jab mahbub ki judai

ek nisbat-e-qadam ne qismat badal ke rakh di

na'lain jaisi shai ne ki 'arsh tak rasai

allah ke ba'd un se koi baDa nahin hai

paya hai bandagi mein andaz-e-kibriyai

kyun fikr-e-maghfirat hai tum ko 'adil' aaKHir

jab un ke hath mein hai mahshar ki karwai