ubhar raha hai har ek shai se nur kya kahiye
ubhar raha hai har ek shai se nur kya kahiye
Jameel Ahmad Qadri Salimi Gunnauri
MORE BYJameel Ahmad Qadri Salimi Gunnauri
ubhar rahā hai har ik shai se nuur kyā kahiye
mohammad-e-‘arabī kā zuhūr kyā kahiye
hamāre ahmad-e-mursal ke nām-e-nāmī par
durūd bheje hai rabb-e-ġhafūr kyā kahiye
ham intizār-e-shafā'at ke the tamannā.ī
suroñ pe aa gayā yaum-un-nushūr kyā kahiye
'umar hoñ chāhe abū-bakr aur 'usmān 'alī
har ik thā un meñ fidā-e-huzūr kyā kahiye
'jamīl' 'ishq-e-mohammad meñ ġharq huuñ jab se
haiñ muntazir mire hūr-o-qusūr kyā kahiye
ubhar raha hai har ek shai se nur kya kahiye
mohammad-e-‘arabi ka zuhur kya kahiye
hamare ahmad-e-mursal ke nam-e-nami par
durud bheje hai rabb-e-ghafur kya kahiye
hum intizar-e-shafa'at ke the tamannai
suron pe aa gaya yaum-un-nushur kya kahiye
'umar hon chahe abu-bakr aur 'usman 'ali
har ek tha un mein fida-e-huzur kya kahiye
'jamil' 'ishq-e-mohammad mein gharq hun jab se
hain muntazir mere hur-o-qusur kya kahiye
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
