nazar rasul ki aisa kamal karti hai
nazar rasūl kī aisā kamāl kartī hai
shajar ko sabz gulāboñ ko laal kartī hai
mire shu'ūr ke gulshan meñ phuul khilte haiñ
tire ḳhayāl kī ḳhushbū kamāl kartī hai
nabī ke zikr kī mahfil sajāne lagtā huuñ
koī bhī fikr mujhe jab niDhāl kartī hai
zabāñ to rahtī hai ḳhāmosh un ke rauze par
nigāh-e-shauq magar 'arz-e-hāl kartī haiñ
vo zaat zāt-e-risālat-ma.āb hai vallah
jo andhe shīshoñ meñ paidā jamāl kartī hai
vo ek guuñj mohammad ke naam kī 'shākir'
'adū ke hausle ko pā.emāl kartī hai
nazar rasul ki aisa kamal karti hai
shajar ko sabz gulabon ko lal karti hai
mere shu'ur ke gulshan mein phul khilte hain
tere KHayal ki KHushbu kamal karti hai
nabi ke zikr ki mahfil sajaane lagta hun
koi bhi fikr mujhe jab niDhaal karti hai
zaban to rahti hai KHamosh un ke rauze par
nigah-e-shauq magar 'arz-e-haal karti hain
wo zat zat-e-risalat-maab hai wallah
jo andhe shishon mein paida jamal karti hai
wo ek gunj mohammad ke nam ki 'shakir'
'adu ke hausle ko paemal karti hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
