mujhko taiba mein bulaenge huzur

mujh ko taiba meñ bulā.eñge huzūr

apnā dīdār karā.eñge huzūr

jām-e-kausar bhī pilā.eñge huzūr

tishnagī dil kī bujhā.eñge huzūr

ham gunahgāroñ ko inshā-allāh

apne dāman meñ chhupā.eñge huzūr

un ke qadmoñ se lipaT jā.ūñgā

jis ghaḌī sāmne ā.eñge huzūr

pul se guzrūñgā jhijaktā Dartā

hausla merā baḌhā.eñge huzūr

girne vāloñ ko sahārā deñge

rone vāloñ ko hañsā.eñge huzūr

qabr meñ maiñ ne nakīroñ se kahā

merī imdād ko ā.eñge huzūr

nā-ḳhudā ban ke vo aa.e 'shākir'

merī kashtī ko tarā.eñge huzūr

mujh ko taiba mein bulaenge huzur

apna didar karaenge huzur

jam-e-kausar bhi pilaenge huzur

tishnagi dil ki bujhaenge huzur

hum gunahgaron ko insha-allah

apne daman mein chhupaenge huzur

un ke qadmon se lipaT jaunga

jis ghaDi samne aaenge huzur

pul se guzrunga jhijakta Darta

hausla mera baDhaenge huzur

girne walon ko sahaara denge

rone walon ko hansaenge huzur

qabr mein main ne nakiron se kaha

meri imdad ko aaenge huzur

na-KHuda ban ke wo aae 'shakir'

meri kashti ko taraenge huzur