main nasib-war hun ki mere dil mein huzur hain

maiñ nasīb-var huuñ ki mere dil meñ huzūr haiñ

mujhe raushnī kī talab nahīñ ki vo nuur haiñ

ye jo mere chehre ko raas hai tar-o-tāzgī

yahī raaz hai ki huzūr vaj.h-e-surūr haiñ

mujhe un se 'ishq huā ki achchhe nasīb the

are be-ḳhabar vo habīb-e-rabb-e-ġhafūr haiñ

mujhe naaz hai ki maiñ ummatī huuñ rasūl kā

vo rasūl jo ki har ummatī kā ġhurūr haiñ

koī bādshāh bhī un ke sāmne kuchh nahīñ

jo gadāgarān-e-shafī’-e-yaum-e-nushūr haiñ

vo jo mehrbāñ haiñ to ġham nahīñ kisī baat kā

ki hamārī kitnī ḳhatā.eñ kitne qusūr haiñ

hameñ har tarah kī ḳhushī nasīb huī 'sahar'

magar ek ġham hai ki un ke shahr se duur haiñ

main nasib-war hun ki mere dil mein huzur hain

mujhe raushni ki talab nahin ki wo nur hain

ye jo mere chehre ko ras hai tar-o-tazgi

yahi raaz hai ki huzur wajh-e-surur hain

mujhe un se 'ishq hua ki achchhe nasib the

are be-KHabar wo habib-e-rabb-e-ghafur hain

mujhe naz hai ki main ummati hun rasul ka

wo rasul jo ki har ummati ka ghurur hain

koi baadshah bhi un ke samne kuchh nahin

jo gadagaran-e-shafi’-e-yaum-e-nushur hain

wo jo mehrban hain to gham nahin kisi baat ka

ki hamari kitni KHataen kitne qusur hain

hamein har tarah ki KHushi nasib hui 'sahar'

magar ek gham hai ki un ke shahr se dur hain