har taraf se aa rahi hai bu-e-KHatm-ul-mursalin

har taraf se aa rahī hai bū-e-ḳhatm-ul-mursalīñ

rashk-e-jannat aaj bhī hai kū-e-ḳhatm-ul-mursalīñ

raushnī āñkhoñ kī baḌhtī jā rahī hai pai-ba-pai

ḳhvāb meñ dekhā hai meñ ne rū-e-ḳhatm-ul-mursalīñ

vo musalmāñ kyā musalmāñ hai zarā ye sochiye

paa.ī jaatī ho na jis meñ ḳhū-e-ḳhatm-ul-mursalīñ

ghar se niklā jo miTāne hādī-e-islām ko

aa gayā ḳhud hī palaT kar sū-e-ḳhatm-ul-mursalīñ

DhūñDne vaalo ye ehsās-e-nazar kī baat hai

varna har gul meñ basī hai bū-e-ḳhatm-ul-mursalīñ

haidar-o-'usmān siddīq-o-'umar kī kyā misāl

ho ga.e shaidā jo dekhā rū-e-ḳhatm-ul-mursalīñ

is liye ḳhālid ko har maidān meñ nusrat milī

paas rakhte the vo har dam mū-e-ḳhatm-ul-mursalīñ

abr chhā jā.egā aur rahmat kī barsegī ghaTā

jab khuleñge hashr meñ gesū-e-ḳhatm-ul-mursalīñ

bā-adab ho kar 'jamīl-e-qādrī’ paḌhnā salām

jab nazar ke sāmne ho rū-e-ḳhatm-ul-mursalīñ

har taraf se aa rahi hai bu-e-KHatm-ul-mursalin

rashk-e-jannat aaj bhi hai ku-e-KHatm-ul-mursalin

raushni aankhon ki baDhti ja rahi hai pai-ba-pai

KHwab mein dekha hai mein ne ru-e-KHatm-ul-mursalin

wo musalman kya musalman hai zara ye sochiye

pai jati ho na jis mein KHu-e-KHatm-ul-mursalin

ghar se nikla jo miTane hadi-e-islam ko

aa gaya KHud hi palaT kar su-e-KHatm-ul-mursalin

DhunDne walo ye ehsas-e-nazar ki baat hai

warna har gul mein basi hai bu-e-KHatm-ul-mursalin

haidar-o-'usman siddiq-o-'umar ki kya misal

ho gae shaida jo dekha ru-e-KHatm-ul-mursalin

is liye KHalid ko har maidan mein nusrat mili

pas rakhte the wo har dam mu-e-KHatm-ul-mursalin

abr chha jaega aur rahmat ki barsegi ghaTa

jab khulenge hashr mein gesu-e-KHatm-ul-mursalin

ba-adab ho kar 'jamil-e-qadri’ paDhna salam

jab nazar ke samne ho ru-e-KHatm-ul-mursalin