wahi hai bais-e-taKHliq-e-hasti-e-alam

vahī hai bā'is-e-taḳhlīq-e-hastī-e-'ālam

vahī hai mazhar-e-anvār-e-nāzish-e-ādam

sadāqatoñ kā payambar haqīqatoñ kā amiiñ

latāfatoñ kā muraqqa' kamāl-e-husn-e-shiyam

ḳhudā se māñge vo baḳhshish har aadmī ke liye

bashar se māñge vo tasbīh-e-ḳhāliq-e-ā’zam

vo nafratoñ kī ḳhalījoñ ko pāTne vaalā

vo jis ke ḳhulq se dushman bhī ban ga.e hamdam

vahī abad ke safar meñ hai aasrā sab kā

azal se jis kī hai sab par navāzish-e-paiham

usī pe bhej darūd-o-salām ai 'vāsif'

usī ke faiz se qaa.em hai 'āsiyoñ kā bharam

wahi hai ba'is-e-taKHliq-e-hasti-e-'alam

wahi hai mazhar-e-anwar-e-nazish-e-adam

sadaqaton ka payambar haqiqaton ka amin

latafaton ka muraqqa' kamal-e-husn-e-shiyam

KHuda se mange wo baKHshish har aadmi ke liye

bashar se mange wo tasbih-e-KHaliq-e-a’zam

wo nafraton ki KHalijon ko paTne wala

wo jis ke KHulq se dushman bhi ban gae hamdam

wahi abad ke safar mein hai aasra sab ka

azal se jis ki hai sab par nawazish-e-paiham

usi pe bhej darud-o-salam ai 'wasif'

usi ke faiz se qaem hai 'asiyon ka bharam