bataun kis tarah tumko ki kya kya KHub-surat hai

batā.ūñ kis tarah tum ko ki kyā kyā ḳhūb-sūrat hai

mohammad mustafā kā saarā huliya ḳhūb-sūrat hai

jise sadrak jise vajhak kahā qur.ān meñ rab ne

vo siina ḳhūb-sūrat hai vo chehra ḳhūb-sūrat hai

makīn-e-ḳhuld se keh do tumhārī husn-e-sūrat se

rasūlullah ke paaoñ kā talvā ḳhūb-sūrat hai

rasūlullah jis meñ aaj bhī ārām-farmā haiñ

zamāne bhar ke mahloñ se vo rauza ḳhūb-sūrat hai

agar chāho qasam le lo zamāne bhar ke shahroñ se

vo makka ḳhūb-sūrat hai vo taiba ḳhūb-sūrat hai

madīne ke maiñ kis kis rāste kā husn batlā.ūñ

madīne paak kā har ek rasta ḳhūb-sūrat hai

vahāñ shām-o-sahar hotī hai anvārāt kī bārish

vahāñ kā ġhuncha ġhuncha patta patta ḳhūb-sūrat hai

vo aaqā haiñ hamāre aur ham saare ġhulām un ke

shah-e-kaunain se apnā ye rishta ḳhūb-sūrat hai

rasūlullah ke nā'lain ko bose diye jis ne

sar-e-aflāk vo 'arsh-e-mu'allā ḳhūb-sūrat hai

bayāñ kyā kyā karūñ 'safdar' ḳhulāsa muḳhtasar sun lo

madīne shahr kā har ek zarra ḳhūb-sūrat hai

bataun kis tarah tum ko ki kya kya KHub-surat hai

mohammad mustafa ka sara huliya KHub-surat hai

jise sadrak jise wajhak kaha quran mein rab ne

wo sina KHub-surat hai wo chehra KHub-surat hai

makin-e-KHuld se keh do tumhaari husn-e-surat se

rasulullah ke paon ka talwa KHub-surat hai

rasulullah jis mein aaj bhi aaram-farma hain

zamane bhar ke mahlon se wo rauza KHub-surat hai

agar chaho qasam le lo zamane bhar ke shahron se

wo makka KHub-surat hai wo taiba KHub-surat hai

madine ke main kis kis raste ka husn batlaun

madine pak ka har ek rasta KHub-surat hai

wahan sham-o-sahar hoti hai anwaraat ki barish

wahan ka ghuncha ghuncha patta patta KHub-surat hai

wo aaqa hain hamare aur hum sare ghulam un ke

shah-e-kaunain se apna ye rishta KHub-surat hai

rasulullah ke na'lain ko bose diye jis ne

sar-e-aflak wo 'arsh-e-mu'alla KHub-surat hai

bayan kya kya karun 'safdar' KHulasa muKHtasar sun lo

madine shahr ka har ek zarra KHub-surat hai