mustafa ki aamad hai ghar ko jagmagana hai

mustafā kī aamad hai ghar ko jagmagānā hai

har taraf vilādat kī mahfileñ sajānā hai

āmad-e-shah-e-vālā sunniyo mubārak ho

'ishq meñ shah-e-dīñ ke har galī sajānā hai

sarvar-e-do-'ālam kī ḳhush-numā vilādat par

āshiqo tumheñ ghar ke bām-o-dar sajānā hai

phuul muskurāte haiñ ḳhushbūeñ luTāte haiñ

titliyoñ ke hoñToñ par aap kā tarāna hai

masjidoñ meñ galiyoñ meñ gulsitāñ meñ sahrā meñ

jashn un kī aamad kā har jagah manānā hai

sunniyo chalo le lo āshiqo chalo le lo

rahmatoñ kā baTne ko aa gayā ḳhazāna hai

chhā ga.ī hai tārīkī har taraf añdherā hai

zikr se payambar ke zulmateñ miTānā hai

zindagī ḳhudā rakkhe 'āshiqī ḳhudā rakkhe

jashn-e-mustafā 'shākir' har baras manānā hai

mustafa ki aamad hai ghar ko jagmagana hai

har taraf wiladat ki mahfilen sajaana hai

aamad-e-shah-e-wala sunniyo mubarak ho

'ishq mein shah-e-din ke har gali sajaana hai

sarwar-e-do-'alam ki KHush-numa wiladat par

aashiqo tumhein ghar ke baam-o-dar sajaana hai

phul muskuraate hain KHushbuen luTate hain

titliyon ke honTon par aap ka tarana hai

masjidon mein galiyon mein gulsitan mein sahra mein

jashn un ki aamad ka har jagah manana hai

sunniyo chalo le lo aashiqo chalo le lo

rahmaton ka baTne ko aa gaya KHazana hai

chha gai hai tariki har taraf andhera hai

zikr se payambar ke zulmaten miTana hai

zindagi KHuda rakkhe 'ashiqi KHuda rakkhe

jashn-e-mustafa 'shakir' har baras manana hai