jab wo zulfen ruKH-e-anwar se haTa dete hain
jab vo zulfeñ ruḳh-e-anvar se haTā dete haiñ
dekhne vāloñ ko dīvāna banā dete haiñ
nau’-e-insānī meñ dekhā na rahīm un jaisā
zulm sah kar bhī sitam-gar ko du'ā dete haiñ
un meñ raushan hue jaate haiñ hidāyat ke charāġh
mere aaqā jinheñ qur.ān sunā dete haiñ
us kī bigḌī huī taqdīr sañvar jaatī hai
aap jis ke liye bhī haath uThā dete haiñ
us ko mastāna banā dete haiñ shāh-e-bat.hā
apnī āñkhoñ ke jise jaam pilā dete haiñ
dil-e-'ushshāq taḌap jaate haiñ 'safdar' us dam
aap jab zulf ko chehre pe girā dete haiñ
jab wo zulfen ruKH-e-anwar se haTa dete hain
dekhne walon ko diwana bana dete hain
nau’-e-insani mein dekha na rahim un jaisa
zulm sah kar bhi sitam-gar ko du'a dete hain
un mein raushan hue jate hain hidayat ke charagh
mere aaqa jinhen quran suna dete hain
us ki bigDi hui taqdir sanwar jati hai
aap jis ke liye bhi hath uTha dete hain
us ko mastana bana dete hain shah-e-batha
apni aankhon ke jise jam pila dete hain
dil-e-'ushshaq taDap jate hain 'safdar' us dam
aap jab zulf ko chehre pe gira dete hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
