saKHt mushkil mein paDi hai duniya
saḳht mushkil meñ paḌī hai duniyā
apnī chādar se baḌī hai duniyā
haath meñ sulh kī talvār liye
ek 'ālam se laḌī hai duniyā
ek zarre se pashemān huī
log kahte the baḌī hai duniyā
apnī raftār meñ uljhī aisī
raah meñ auñdhī paḌī hai duniyā
kab añdheroñ se ziyā phūTī hai
raat kī dhuup ghaḌī hai duniyā
zahr ab chāñd pe phailāne ko
bas-ki tayyār khaḌī hai duniyā
vaqt raftār kā naqsh-e-kaf-e-pā
darmiyāñ ek kaḌī hai duniyā
saKHt mushkil mein paDi hai duniya
apni chadar se baDi hai duniya
hath mein sulh ki talwar liye
ek 'alam se laDi hai duniya
ek zarre se pasheman hui
log kahte the baDi hai duniya
apni raftar mein uljhi aisi
rah mein aundhi paDi hai duniya
kab andheron se ziya phuTi hai
raat ki dhup ghaDi hai duniya
zahr ab chand pe phailane ko
bas-ki tayyar khaDi hai duniya
waqt raftar ka naqsh-e-kaf-e-pa
darmiyan ek kaDi hai duniya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
