sab ka tha sara dhyan kaghaz par

sab kā thā saarā dhyān kāġhaz par

thā vo dushman mahān kāġhaz par

zālimoñ ne zabān kaaT to dī

likh gayā vo bayān kāġhaz par

ek duuje ko dhoka dete haiñ

DhūñDte haiñ amaan kāġhaz par

ho gayā ghar kā aise baTvārā

bach gayā bas nishān kāġhaz par

bhaa.ī ke hisse baaġh aa.e haiñ

maiñ ne paa.ī dukān kāġhaz par

hai vo mash.hūr kaḌvī bātoñ meñ

mīThī us kī zabān kāġhaz par

us ne fōtpath par banā Daalā

ḳhūb-sūrat makān kāġhaz par

tum bharose kī baat mat karnā

hai bharose kī jaan kāġhaz par

kal talak keh rahā thā begāna

likh gayā aaj jaan kāġhaz par

keh rahā hai vo kahne do 'az.har'

tum likho dāstān kāġhaz par

sab ka tha sara dhyan kaghaz par

tha wo dushman mahan kaghaz par

zalimon ne zaban kaT to di

likh gaya wo bayan kaghaz par

ek duje ko dhoka dete hain

DhunDte hain aman kaghaz par

ho gaya ghar ka aise baTwara

bach gaya bas nishan kaghaz par

bhai ke hisse bagh aae hain

main ne pai dukan kaghaz par

hai wo mashhur kaDwi baaton mein

miThi us ki zaban kaghaz par

us ne footpath par bana Dala

KHub-surat makan kaghaz par

tum bharose ki baat mat karna

hai bharose ki jaan kaghaz par

kal talak keh raha tha begana

likh gaya aaj jaan kaghaz par

keh raha hai wo kahne do 'azhar'

tum likho dastan kaghaz par