ek qaidi ne ye dukh dard lagatar sahe

ek qaidī ne ye dukh dard lagātār sahe

jism ne jurm kiye ruuh ne āzār sahe

kaise us bār-gah-e-arz ko ham-sar jaane

kaise ye zarb ḳham-e-gumbad-e-davvār sahe

sāmne koī na thā kis se shikāyat karte

zaḳhm sahne the ḳhamoshī se ka.ī baar sahe

kaam har haal meñ aayā hai zamīr-e-muzmar

laġhzish-e-fikr ke is Dhaal ne sab vaar sahe

tum hama-vaqt ho āmāda-e-ehsāñ lekin

bojh phir bojh hai kyuuñ shāna-e-ḳhuddār sahe

khol de band-e-badan raḳhna-e-dar kī ḳhātir

saqf kā baar bhī sar par qad-e-dīvār sahe

ek qaidi ne ye dukh dard lagatar sahe

jism ne jurm kiye ruh ne aazar sahe

kaise us bar-gah-e-arz ko ham-sar jaane

kaise ye zarb KHam-e-gumbad-e-dawwar sahe

samne koi na tha kis se shikayat karte

zaKHm sahne the KHamoshi se kai bar sahe

kaam har haal mein aaya hai zamir-e-muzmar

laghzish-e-fikr ke is Dhaal ne sab war sahe

tum hama-waqt ho aamada-e-ehsan lekin

bojh phir bojh hai kyun shana-e-KHuddar sahe

khol de band-e-badan raKHna-e-dar ki KHatir

saqf ka bar bhi sar par qad-e-diwar sahe