aashiq tere humne kiye malum bahut hain
'āshiq tire ham ne kiye mā'lūm bahut haiñ
zālim tū hī duniyā meñ hai mazlūm bahut haiñ
gul dekhe jo sau ġhunche nazar aa.e hazāroñ
ḳhush haiñge kam us baaġh meñ maġhmūm bahut haiñ
mujh jaise jo ḳhādim kī ho ḳhidmat se tumheñ 'aar
to ḳhush raho tum mujh ko bhī maḳhdūm bahut haiñ
shohra ke liye ḳhail na 'ushshāq ke chāho
do chaar bhī karne ke liye dhuum bahut haiñ
mazmūñ nahīñ terā sā kisī bait meñ 'saudā'
yuuñ she'r to mauzūnoñ ke manzūm bahut haiñ
'ashiq tere hum ne kiye ma'lum bahut hain
zalim tu hi duniya mein hai mazlum bahut hain
gul dekhe jo sau ghunche nazar aae hazaron
KHush hainge kam us bagh mein maghmum bahut hain
mujh jaise jo KHadim ki ho KHidmat se tumhein 'ar
to KHush raho tum mujh ko bhi maKHdum bahut hain
shohra ke liye KHail na 'ushshaq ke chaho
do chaar bhi karne ke liye dhum bahut hain
mazmun nahin tera sa kisi bait mein 'sauda'
yun she'r to mauzunon ke manzum bahut hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
