sote hi apne bistar par

sote hī apne bistar par

hote haiñ ham us ke ghar par

zulfoñ kā saaya sāġhar par

kohrā chhāyā hai manzar par

baam pe vo ham rāh-guzar par

bartar kā partav kamtar par

tanzeñ kab tak us kāfir par

joñk nahīñ lagtī patthar par

kal thā lekin aaj nahīñ hai

tāqat-var kā Theñgā sar par

ham par terī tanqīdeñ kyā

shīshe kā hamla patthar par

har manzar kuchh Dhāras degā

nazreñ rakhiye har manzar par

aap kā har irshād ġhalat bhī

palkoñ par āñkhoñ par sar par

'shād' jinheñ ham se nafrat hai

ham kyuuñ jaa.eñ un ke ghar par

sote hi apne bistar par

hote hain hum us ke ghar par

zulfon ka saya saghar par

kohra chhaya hai manzar par

baam pe wo hum rah-guzar par

bartar ka partaw kamtar par

tanzen kab tak us kafir par

jonk nahin lagti patthar par

kal tha lekin aaj nahin hai

taqat-war ka Thenga sar par

hum par teri tanqiden kya

shishe ka hamla patthar par

har manzar kuchh Dhaaras dega

nazren rakhiye har manzar par

aap ka har irshad ghalat bhi

palkon par aankhon par sar par

'shad' jinhen hum se nafrat hai

hum kyun jaen un ke ghar par