main tere nam zindagi karta

maiñ tire naam zindagī kartā

is tarah tujh se 'āshiqī kartā

tū ne haq hī nahīñ diyā varna

terī zulfoñ pe shā'irī kartā

tū pilātā agar nigāhoñ se

phir kahāñ itnī mai-kashī kartā

kuchh ta'alluq to phir bhī rah jaatā

vo agar mujh se dushmanī kartā

gar haqīqat maiñ jāntā un kī

maiñ na phūloñ se dostī kartā

kaun sā jurm rah gayā thā 'samar'

is zamīñ par jo aadmī kartā

main tere nam zindagi karta

is tarah tujh se 'ashiqi karta

tu ne haq hi nahin diya warna

teri zulfon pe sha'iri karta

tu pilata agar nigahon se

phir kahan itni mai-kashi karta

kuchh ta'alluq to phir bhi rah jata

wo agar mujh se dushmani karta

gar haqiqat main jaanta un ki

main na phulon se dosti karta

kaun sa jurm rah gaya tha 'samar'

is zamin par jo aadmi karta