KHurshid se badan ki ziya mein wuzu kare
ḳhurshīd se badan kī ziyā meñ vuzū kare
dil chāhtā hai dil se koī guftugū kare
zulfoñ kī badliyoñ ko haTā kar vo ek baar
ab chāñd jaisā chehra mire rū-ba-rū kare
us ne hasīñ laboñ pe ugā lī hai tishnagī
koī hasīn ḳhvāb bhī dil meñ numū kare
gumnāmiyoñ meñ sochtā rahtā huuñ maiñ yahī
is baar surḳh-rū mujhe merā 'adū kare
kuchh aur bhī baḌhe mirā rutba mire raqīb
mere jigar ke zaḳhm agar tū rafū kare
terā gunāhgār hai aisī sazā sunā
tā-zindagī ye dil na koī aarzū kare
jis aadmī kī 'umr qazā ke qarīb ho
vo aarzū kare na koī justujū kare
'ātish' tamām zindagī piite guzār dī
is 'umr meñ na koī hameñ be-subū kare
KHurshid se badan ki ziya mein wuzu kare
dil chahta hai dil se koi guftugu kare
zulfon ki badliyon ko haTa kar wo ek bar
ab chand jaisa chehra mere ru-ba-ru kare
us ne hasin labon pe uga li hai tishnagi
koi hasin KHwab bhi dil mein numu kare
gumnamiyon mein sochta rahta hun main yahi
is bar surKH-ru mujhe mera 'adu kare
kuchh aur bhi baDhe mera rutba mere raqib
mere jigar ke zaKHm agar tu rafu kare
tera gunahgar hai aisi saza suna
ta-zindagi ye dil na koi aarzu kare
jis aadmi ki 'umr qaza ke qarib ho
wo aarzu kare na koi justuju kare
'atish' tamam zindagi pite guzar di
is 'umr mein na koi hamein be-subu kare
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
