hum bala-nosh sahi hosh se aari to nahin
ham balā-nosh sahī hosh se 'aarī to nahīñ
dar-e-sāqī pe masarrat ke bhikārī to nahīñ
kyuuñ qafas ke dar-o-dīvār mahak uTThe haiñ
rāsta bhuul ga.ī bād-e-bahārī to nahīñ
dil-e-betāb bahaltā nahīñ bahlāne se
aap ne zulf kahīñ apnī sañvārī to nahīñ
aaj kuchh dil ke taḌapne meñ hai ik lutf 'ajīb
un kī mahfil meñ kahīñ baat hamārī to nahīñ
kabhī shabnam se kabhī dār-o-rasan se khele
zindagī ham tirī rāhoñ ke farārī to nahīñ
fan ke naqqād se 'hindī' koī itnā keh de
shā'irī hai koī afsāna-nigārī to nahīñ
hum bala-nosh sahi hosh se 'ari to nahin
dar-e-saqi pe masarrat ke bhikari to nahin
kyun qafas ke dar-o-diwar mahak uTThe hain
rasta bhul gai baad-e-bahaari to nahin
dil-e-betab bahalta nahin bahlane se
aap ne zulf kahin apni sanwari to nahin
aaj kuchh dil ke taDapne mein hai ek lutf 'ajib
un ki mahfil mein kahin baat hamari to nahin
kabhi shabnam se kabhi dar-o-rasan se khele
zindagi hum teri rahon ke farari to nahin
fan ke naqqad se 'hindi' koi itna keh de
sha'iri hai koi afsana-nigari to nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
