pahle to zehn se KHalal nikle
pahle to zehn se ḳhalal nikle
phir kisī guftugū kā hal nikle
mujh ko to apne raste jaanā hai
aap kyuuñ saath saath chal nikle
jitnā tum chāho mujh ko rusvā karo
kuchh to ehsān kā badal nikle
apne lahje ko maiñ ne jab badlā
us ke māthe ke saare bal nikle
raag aisā alāpā hai us ne
ḳhud-ba-ḳhud saare diip jal nikle
duur se vo jo lag rahe the gulāb
paas se dekhā to kañval nikle
biij bo.e the jis ke ai 'najmī'
peḌ meñ bas usī ke phal nikle
pahle to zehn se KHalal nikle
phir kisi guftugu ka hal nikle
mujh ko to apne raste jaana hai
aap kyun sath sath chal nikle
jitna tum chaho mujh ko ruswa karo
kuchh to ehsan ka badal nikle
apne lahje ko main ne jab badla
us ke mathe ke sare bal nikle
rag aisa alapa hai us ne
KHud-ba-KHud sare dip jal nikle
dur se wo jo lag rahe the gulab
pas se dekha to kanwal nikle
bij boe the jis ke ai 'najmi'
peD mein bas usi ke phal nikle
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
