main jidhar jaun udhar jae zaruri to nahin

maiñ jidhar jā.ūñ udhar jaa.e zarūrī to nahīñ

merī ḳhātir vo Thahar jaa.e zarūrī to nahīñ

vaqt har zaḳhm ko bhar jaa.e zarūrī to nahīñ

zindagī maut se Dar jaa.e zarūrī to nahīñ

terā dīvāna agar tujh se bichhaḌ bhī jaa.e

lauT kar apne vo ghar jaa.e zarūrī to nahīñ

pyaar kā nashsha utar saktā hai dil se lekin

nasha daulat kā utar jaa.e zarūrī to nahīñ

mulk-e-jamhūr kī sarkār badal jaane se

apnī taqdīr sañvar jaa.e zarūrī to nahīñ

laakh ho mausam-e-gul laakh bahāreñ aa.eñ

dil kā mausam bhī nikhar jaa.e zarūrī to nahīñ

chāra-gar laakh kare zaḳhm pe marham-pāshī

ghaav bātoñ kā bhī bhar jaa.e zarūrī to nahīñ

sāqī-e-bazm to yuuñ dekh rahā hai sab ko

us kī mujh par bhī nazar jaa.e zarūrī to nahīñ

apnī marzī se 'bilāl' aap chale jaa.eñ magar

bazm-e-anjum meñ 'qamar' jaa.e zarūrī to nahīñ

main jidhar jaun udhar jae zaruri to nahin

meri KHatir wo Thahar jae zaruri to nahin

waqt har zaKHm ko bhar jae zaruri to nahin

zindagi maut se Dar jae zaruri to nahin

tera diwana agar tujh se bichhaD bhi jae

lauT kar apne wo ghar jae zaruri to nahin

pyar ka nashsha utar sakta hai dil se lekin

nasha daulat ka utar jae zaruri to nahin

mulk-e-jamhur ki sarkar badal jaane se

apni taqdir sanwar jae zaruri to nahin

lakh ho mausam-e-gul lakh bahaaren aaen

dil ka mausam bhi nikhar jae zaruri to nahin

chaara-gar lakh kare zaKHm pe marham-pashi

ghaw baaton ka bhi bhar jae zaruri to nahin

saqi-e-bazm to yun dekh raha hai sab ko

us ki mujh par bhi nazar jae zaruri to nahin

apni marzi se 'bilal' aap chale jaen magar

bazm-e-anjum mein 'qamar' jae zaruri to nahin