is jahan mein aana hai

is jahāñ meñ aanā hai

aa ke lauT jaanā hai

tum ye kyuuñ nahīñ kahte

rishte ko nibhānā hai

kab miloge tum mujh se

maiñ ne gungunānā hai

tum ko chāhnā āḳhir

dil ko hī dukhānā hai

milne aa rahe ho tum

yā koī bahāna hai

kis se pyaar māñgūñ maiñ

buġhz kā zamāna hai

tanhā aa.e the ham sab

tanhā lauT jaanā hai

bas bujhā do dil merā

kab talak jalānā hai

us ne chhoḌā thā mujh ko

zaḳhm ye purānā hai

kaash vo kahe mujh se

tum pe haq jatānā hai

jhūTī qasmeñ mat khaao

tum ne chhoḌ jaanā hai

tum bhī guzrā lamha ho

tum ne yaad aanā hai

zindagī to dhoka thā

maut hī Thikāna hai

mujh ko jhūTā mat samjho

maiñ ne sach batānā hai

hai daġhā tirī fitrat

maiñ ne dhokā khānā hai

maiñ ne she'r paḌhne haiñ

tum ne naġhma gaanā hai

yāroñ maiñ huuñ us jānib

jis taraf nishāna hai

chhoḌ kar gayā 'irdum'

jis ko apnā maanā hai

is jahan mein aana hai

aa ke lauT jaana hai

tum ye kyun nahin kahte

rishte ko nibhana hai

kab miloge tum mujh se

main ne gungunana hai

tum ko chahna aaKHir

dil ko hi dukhana hai

milne aa rahe ho tum

ya koi bahana hai

kis se pyar mangun main

bughz ka zamana hai

tanha aae the hum sab

tanha lauT jaana hai

bas bujha do dil mera

kab talak jalana hai

us ne chhoDa tha mujh ko

zaKHm ye purana hai

kash wo kahe mujh se

tum pe haq jatana hai

jhuTi qasmen mat khao

tum ne chhoD jaana hai

tum bhi guzra lamha ho

tum ne yaad aana hai

zindagi to dhoka tha

maut hi Thikana hai

mujh ko jhuTa mat samjho

main ne sach batana hai

hai dagha teri fitrat

main ne dhoka khana hai

main ne she'r paDhne hain

tum ne naghma gana hai

yaron main hun us jaanib

jis taraf nishana hai

chhoD kar gaya 'irdum'

jis ko apna mana hai