mohabbaton ka ye gulshan bikharne wala hai
mohabbatoñ kā ye gulshan bikharne vaalā hai
kisī kī maañg meñ sindūr bharne vaalā hai
maiñ jā rahā huuñ tire shahr se magar ye dil
tamām 'umr yahīñ par Thaharne vaalā hai
vo ik charāġh jise maiñ ne āftāb kiyā
sunā hai mere muqābil utarne vaalā hai
use batāo ki uḌte haiñ hausloñ se ham
jo keh rahā hai mire par katarne vaalā hai
mujhe ye Dar hai tujhe bhuul hī na jā.ūñ maiñ
bas ek zaḳhm bachā hai jo bharne vaalā hai
mohabbaton ka ye gulshan bikharne wala hai
kisi ki mang mein sindur bharne wala hai
main ja raha hun tere shahr se magar ye dil
tamam 'umr yahin par Thaharne wala hai
wo ek charagh jise main ne aaftab kiya
suna hai mere muqabil utarne wala hai
use batao ki uDte hain hauslon se hum
jo keh raha hai mere par katarne wala hai
mujhe ye Dar hai tujhe bhul hi na jaun main
bas ek zaKHm bacha hai jo bharne wala hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
