KHitab kya dun unhen KHadd-o-Khaal puchhte hain

ḳhitāb kyā duuñ unheñ ḳhadd-o-ḳhāl pūchhte haiñ

namak chhiḌak ke vo zaḳhmoñ pe haal pūchhte haiñ

gila to ḳhair rahegā magar ġhanīmat hai

vo mehrbān hameñ ḳhaal ḳhaal pūchhte haiñ

javāb kyā likhūñ un ko tirī judā.ī kā

tere firāq ke lamhe savāl pūchhte haiñ

gila kiyā jo taġhāful kā to ye farmāyā

ki be-hunar ko kahīñ bā-kamāl pūchhte haiñ

lahūluhān haiñ sab ḳhvāb in se kyā kahiye

shikasta-qalb safar kā ma.aal pūchhte haiñ

ab oḌh lī hai 'ufuq ne ridā-e-surḳh 'az.har'

us ek shaḳhs ko saare niDhāl pūchhte haiñ

KHitab kya dun unhen KHadd-o-KHal puchhte hain

namak chhiDak ke wo zaKHmon pe haal puchhte hain

gila to KHair rahega magar ghanimat hai

wo mehrban hamein KHal KHal puchhte hain

jawab kya likhun un ko teri judai ka

tere firaq ke lamhe sawal puchhte hain

gila kiya jo taghaful ka to ye farmaya

ki be-hunar ko kahin ba-kamal puchhte hain

lahuluhan hain sab KHwab in se kya kahiye

shikasta-qalb safar ka maal puchhte hain

ab oDh li hai 'ufuq ne rida-e-surKH 'azhar'

us ek shaKHs ko sare niDhaal puchhte hain