jab nigahon ki kaman aap pe tani humne
jab nigāhoñ kī kamāñ aap pe taanī ham ne
us se pahle hī banā lī thī kahānī ham ne
sab ne samjhāyā kisī kī bhī na maanī ham ne
ek vā'de pe galā Daalī javānī ham ne
un se sīkhī hai mohabbat ko nibhāne kī adā
un se sīkhe haiñ mohabbat ke ma'ānī ham ne
aaj har gaam pe us baat ke hī charche haiñ
ek vo baat jo chāhī thī chhupānī ham ne
us ne jo zaḳhm diyā ham ne harā rakkhā hai
ab bhī mahfūz rakhī hai vo nishānī ham ne
shā'irī kyā hai adab kyā hai hameñ kyā mā'lūm
'umr bhar kī hai faqat talḳh-bayānī ham ne
jab nigahon ki kaman aap pe tani hum ne
us se pahle hi bana li thi kahani hum ne
sab ne samjhaya kisi ki bhi na mani hum ne
ek wa'de pe gala Dali jawani hum ne
un se sikhi hai mohabbat ko nibhane ki ada
un se sikhe hain mohabbat ke ma'ani hum ne
aaj har gam pe us baat ke hi charche hain
ek wo baat jo chahi thi chhupani hum ne
us ne jo zaKHm diya hum ne hara rakkha hai
ab bhi mahfuz rakhi hai wo nishani hum ne
sha'iri kya hai adab kya hai hamein kya ma'lum
'umr bhar ki hai faqat talKH-bayani hum ne
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
