husn paband-e-wafa ho jaise
husn pāband-e-vafā ho jaise
ye vafāoñ kā sila ho jaise
yuuñ vo karte haiñ kinārā mujh se
is meñ merā hī bhalā ho jaise
tā'na dete haiñ mujhe jiine kā
zindagī merī ḳhatā ho jaise
is tarah aañkh se Tapkā hai lahū
shāḳh se phuul girā ho jaise
hāl-e-dil pūchhte haiñ yuuñ mujh se
tum mire dil se judā ho jaise
dekh kar zaḳhm-e-dil afsurda haiñ
chaak dāmān-e-vafā ho jaise
ab vafā ko bhī taraste haiñ 'razā'
yahī tāsīr-e-du'ā ho jaise
husn paband-e-wafa ho jaise
ye wafaon ka sila ho jaise
yun wo karte hain kinara mujh se
is mein mera hi bhala ho jaise
ta'na dete hain mujhe jine ka
zindagi meri KHata ho jaise
is tarah aankh se Tapka hai lahu
shaKH se phul gira ho jaise
haal-e-dil puchhte hain yun mujh se
tum mere dil se juda ho jaise
dekh kar zaKHm-e-dil afsurda hain
chaak daman-e-wafa ho jaise
ab wafa ko bhi taraste hain 'raza'
yahi tasir-e-du'a ho jaise
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
