hum jo aaina dikhaen to dikhaen kis ko

ham jo ā.īna dikhā.eñ to dikhā.eñ kis ko

bad-numā apne hī chehre nazar aa.eñ kis ko

kis ko fursat hai ki rūdād-e-ġham-e-ġhair sune

roz-o-shab kaise guzarte haiñ sunā.eñ kis ko

saaya qadmoñ ke tale dekh ke masrūr haiñ log

sar pe sūraj hai ye ehsās dilā.eñ kis ko

vaqt shab-ḳhūñ ke liye lais hai hathiyāroñ se

shahr kā shahr hī soyā hai jagā.eñ kis ko

har koī mahv-e-tamāshā-e-lab-e-bām hai ab

vo jo qadmoñ meñ paḌe haiñ nazar aa.eñ kis ko

ḳhuun hāthoñ meñ lagā hai sabhī ġham-ḳhvāroñ ke

zaḳhm kis kis ne lagā.e haiñ batā.eñ kis ko

guuñj hotī hai bagūlā sā nazar aatā hai

DhūñDtī rahtī haiñ sahrā meñ havā.eñ kis ko

hum jo aaina dikhaen to dikhaen kis ko

bad-numa apne hi chehre nazar aaen kis ko

kis ko fursat hai ki rudad-e-gham-e-ghair sune

roz-o-shab kaise guzarte hain sunaen kis ko

saya qadmon ke tale dekh ke masrur hain log

sar pe suraj hai ye ehsas dilaen kis ko

waqt shab-KHun ke liye lais hai hathiyaron se

shahr ka shahr hi soya hai jagaen kis ko

har koi mahw-e-tamasha-e-lab-e-baam hai ab

wo jo qadmon mein paDe hain nazar aaen kis ko

KHun hathon mein laga hai sabhi gham-KHwaron ke

zaKHm kis kis ne lagae hain bataen kis ko

gunj hoti hai bagula sa nazar aata hai

DhunDti rahti hain sahra mein hawaen kis ko