baiTha tha mere sine mein jo Dar wo Dar gaya
baiThā thā mere siine meñ jo Dar vo Dar gayā
jab hādsa milā ke nazar se nazar gayā
hairān huuñ jo shaḳhs bahut hī 'azīz thā
parkhā use to vo mire dil se utar gayā
us ko ḳhushī thī us kī du'ā kaam kar ga.ī
mujh ko malāl thā kī mirā zaḳhm bhar gayā
is zindagī se kuchh hameñ hāsil na ho sakā
ik din jo ham ne paayā thā vo bhī guzar gayā
vo saayā saarī 'umr mire paas hī rahā
maiñ jis ko DhūñDne ke liye dar-ba-dar gayā
baiTha tha mere sine mein jo Dar wo Dar gaya
jab hadsa mila ke nazar se nazar gaya
hairan hun jo shaKHs bahut hi 'aziz tha
parkha use to wo mere dil se utar gaya
us ko KHushi thi us ki du'a kaam kar gai
mujh ko malal tha ki mera zaKHm bhar gaya
is zindagi se kuchh hamein hasil na ho saka
ek din jo hum ne paya tha wo bhi guzar gaya
wo saya sari 'umr mere pas hi raha
main jis ko DhunDne ke liye dar-ba-dar gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
