baiThe hain sunahri kashti mein aur samne nila pani hai
baiThe haiñ sunahrī kashtī meñ aur sāmne niilā paanī hai
vo hañstī āñkheñ pūchhtī haiñ ye kitnā gahrā paanī hai
betāb havā ke jhoñkoñ kī fariyād sune to kaun sune
maujoñ pe taḌaptī kashtī hai aur gūñgā bahrā paanī hai
har mauj meñ giryāñ rahtā hai girdāb meñ raqsāñ rahtā hai
betāb bhī hai be-ḳhvāb bhī hai ye kaisā zinda paanī hai
bastī ke gharoñ ko kyā dekhe buniyād kī hurmat kyā jaane
sailāb kā shikva kaun kare sailāb to andhā paanī hai
is bastī meñ is dhartī par sairābī-e-jāñ kā haal na pūchh
yaañ āñkhoñ āñkhoñ aañsū haiñ aur dariyā dariyā paanī hai
ye raaz samajh meñ kab aatā āñkhoñ kī namī se samjhā huuñ
is gard-o-ġhubār kī duniyā meñ har chiiz se sachchā paanī hai
baiThe hain sunahri kashti mein aur samne nila pani hai
wo hansti aankhen puchhti hain ye kitna gahra pani hai
betab hawa ke jhonkon ki fariyaad sune to kaun sune
maujon pe taDapti kashti hai aur gunga bahra pani hai
har mauj mein giryan rahta hai girdab mein raqsan rahta hai
betab bhi hai be-KHwab bhi hai ye kaisa zinda pani hai
basti ke gharon ko kya dekhe buniyaad ki hurmat kya jaane
sailab ka shikwa kaun kare sailab to andha pani hai
is basti mein is dharti par sairabi-e-jaan ka haal na puchh
yan aankhon aankhon aansu hain aur dariya dariya pani hai
ye raaz samajh mein kab aata aankhon ki nami se samjha hun
is gard-o-ghubar ki duniya mein har chiz se sachcha pani hai
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
