zamin-farosh nahin hun zaman-farosh nahin

zamīñ-farosh nahīñ huuñ zaman-farosh nahīñ

ḳhudā ke shukr se maiñ to vatan-farosh nahīñ

mushā'ire ke liye ek saf meñ baiThe hoñ

fanā barā-e-suḳhan aur suḳhan-farosh nahīñ

sarā-e-dahr meñ baalā haiñ narḳh shoḳhī ke

magar ye maiñ huuñ ki jo bāñkpan-farosh nahīñ

na sham'-e-bazm-e-dilāñ us ke aage rakkho jise

batānā paḌtā hai maiñ anjuman-farosh nahīñ

vo aur haiñ ki jo likhte haiñ ḳhud-kushī par she'r

tirā faqīr to aisā rasan-farosh nahīñ

dikhā rahā thā vo kyā kyā karāmateñ sab ko

phir us se ham ne kahā ai 'adan-farosh nahīñ

zamin-farosh nahin hun zaman-farosh nahin

KHuda ke shukr se main to watan-farosh nahin

musha'ire ke liye ek saf mein baiThe hon

fana bara-e-suKHan aur suKHan-farosh nahin

sara-e-dahr mein baala hain narKH shoKHi ke

magar ye main hun ki jo bankpan-farosh nahin

na sham'-e-bazm-e-dilan us ke aage rakkho jise

batana paDta hai main anjuman-farosh nahin

wo aur hain ki jo likhte hain KHud-kushi par she'r

tera faqir to aisa rasan-farosh nahin

dikha raha tha wo kya kya karamaten sab ko

phir us se hum ne kaha ai 'adan-farosh nahin