jo mohabbat ko aam karte hain
jo mohabbat ko 'aam karte haiñ
vo diloñ meñ qiyām karte haiñ
jo uḳhuvvat kā dars dete haiñ
vahī duniyā meñ naam karte haiñ
koī dekhe to ġham ke māroñ ko
kis tarah sub.h-o-shām karte haiñ
vo musāfir safar meñ rahte haiñ
jo mohabbat ko 'aam karte haiñ
jiit lete haiñ dil mohabbat se
ham hasīnoñ kā kaam karte haiñ
mominoñ kī yahī to hai pahchān
jaañ vatan par tamām karte haiñ
jo mohabbat ko 'am karte hain
wo dilon mein qiyam karte hain
jo uKHuwwat ka dars dete hain
wahi duniya mein nam karte hain
koi dekhe to gham ke maron ko
kis tarah subh-o-sham karte hain
wo musafir safar mein rahte hain
jo mohabbat ko 'am karte hain
jit lete hain dil mohabbat se
hum hasinon ka kaam karte hain
mominon ki yahi to hai pahchan
jaan watan par tamam karte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
