wasl se dil shad kar ya qatl ka saman kar
vasl se dil shaad kar yā qatl kā sāmān kar
kar guzar be-mehr aayā ho jo dil meñ Thaan kar
dushmanī kar dostī kar zulm kar ehsān kar
jo tujhe manzūr ho ai 'āshiqoñ kī jaan kar
qaul de kar mujh se kahtā hai ki dhokā ho gayā
dostī bhī kī sitam-gar ne to dushman jaan kar
un ke aane kī umīdeñ to ga.ī guzrī huiiñ
ai ajal tū hī ghaḌī bhar ke liye ehsān kar
aap miliye dushmanoñ se ḳhair dekhā jā.egā
aaj ham bhī aa.e haiñ kuchh apne dil meñ Thaan kar
kūcha-e-lailā meñ rahnā chāhiye thā qais ko
kyā milā us 'aql ke dushman ko jangal chhān kar
ai 'qamar' duniyā hī kyā kartī hai mujh se be-ruḳhī
ahl-e-duniyā bhī nahīñ milte musāfir jaan kar
wasl se dil shad kar ya qatl ka saman kar
kar guzar be-mehr aaya ho jo dil mein Than kar
dushmani kar dosti kar zulm kar ehsan kar
jo tujhe manzur ho ai 'ashiqon ki jaan kar
qaul de kar mujh se kahta hai ki dhoka ho gaya
dosti bhi ki sitam-gar ne to dushman jaan kar
un ke aane ki umiden to gai guzri huin
ai ajal tu hi ghaDi bhar ke liye ehsan kar
aap miliye dushmanon se KHair dekha jaega
aaj hum bhi aae hain kuchh apne dil mein Than kar
kucha-e-laila mein rahna chahiye tha qais ko
kya mila us 'aql ke dushman ko jangal chhan kar
ai 'qamar' duniya hi kya karti hai mujh se be-ruKHi
ahl-e-duniya bhi nahin milte musafir jaan kar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
