KHush-bu chura raha hai koi gulsitan se
ḳhush-bū churā rahā hai koī gulsitān se
kotāhiyāñ huī haiñ kabhī pāsbān se
ġhaflat kī niiñd se kabhī jāgeñge ham nahīñ
patthar baras bhī jaa.e agar āsmān se
ruḳh par naqāb Daal ke aa.e haiñ shām-e-vasl
ab kyā kare umiid koī mehrbān se
kyā ḳhuub baat baat pe karte haiñ tanz vo
behtar hai be-zabān koī bā-zabān se
be-shak badal hī jā.egī ham-sā.e kī nazar
dīvār gir ga.ī jo kabhī darmiyān se
'aḳhtar' tirī fazāoñ kī vus'at kā zikr kyā
guzrī hai us kī zaat ka.ī āsmān se
KHush-bu chura raha hai koi gulsitan se
kotahiyan hui hain kabhi pasban se
ghaflat ki nind se kabhi jagenge hum nahin
patthar baras bhi jae agar aasman se
ruKH par naqab Dal ke aae hain sham-e-wasl
ab kya kare umid koi mehrban se
kya KHub baat baat pe karte hain tanz wo
behtar hai be-zaban koi ba-zaban se
be-shak badal hi jaegi ham-sae ki nazar
diwar gir gai jo kabhi darmiyan se
'aKHtar' teri fazaon ki wus'at ka zikr kya
guzri hai us ki zat kai aasman se
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
