hai kaun aaj bazm mein jo jalwa-ha-e-tur hai

hai kaun aaj bazm meñ jo jalva-hā-e-tūr hai

falak pe aaj shor hai ye kaun rashk-e-hūr hai

ye kis kī zau hai aaj jo chamak rahe haiñ bām-o-dar

ye raushnī hai chāñd kī yā mere dil kā nuur hai

koī to rāsta mile ki raaz āshkār ho

qusūr-vār kaun aur kaun be-qusūr hai

hayāt-e-jāñ kī sā'ateñ guzar rahī haiñ hijr meñ

ab ishtiyāq-e-vasl meñ ye qalb-e-nā-subūr hai

tirī najāt tere hī gumān par hai munhasir

umiid rakh yaqīn jaan rab baḌā ġhafūr hai

ye kis maqām pe mujhe le aa.ī hai ye zindagī

na qalb meñ vo soz hai na zehn ko shu'ūr hai

tajalliyoñ se jal na jaa.e jism-e-nā-tavāñ mirā

mirī nazar ke sāmne jamāl-e-koh-e-tūr hai

hai kaun aaj bazm mein jo jalwa-ha-e-tur hai

falak pe aaj shor hai ye kaun rashk-e-hur hai

ye kis ki zau hai aaj jo chamak rahe hain baam-o-dar

ye raushni hai chand ki ya mere dil ka nur hai

koi to rasta mile ki raaz aashkar ho

qusur-war kaun aur kaun be-qusur hai

hayat-e-jaan ki sa'aten guzar rahi hain hijr mein

ab ishtiyaq-e-wasl mein ye qalb-e-na-subur hai

teri najat tere hi guman par hai munhasir

umid rakh yaqin jaan rab baDa ghafur hai

ye kis maqam pe mujhe le aai hai ye zindagi

na qalb mein wo soz hai na zehn ko shu'ur hai

tajalliyon se jal na jae jism-e-na-tawan mera

meri nazar ke samne jamal-e-koh-e-tur hai