apne dukh chhoD ke auron ka mudawa hona

apne dukh chhoḌ ke auroñ kā mudāvā honā

ḳhud mire vāste achchhā nahīñ achchhā honā

ranj kī dhuup se yak-laḳht bachā letā hai

mujh pe har vaqt mire baap kā saaya honā

terā beTā bhī tirī tarh kī laḌkī pe mare

phir tū samjhegī mirī maañ kā shikasta honā

zindagī kyā hai tire fitna-e-qāmat kā zuhūr

maut kyā hai tire vā'doñ pe bharosā honā

bas zarā zaḳhm-e-mohabbat kī kasak hai varna

mujh ko yaksāñ hai yahāñ terā na honā honā

maiñ tire vasl-e-dil-āvez kā tālib hī nahīñ

raas aatā hai mujhe ab mirā tanhā honā

ek bīmār bhī tujh se na shifāyāb huā

jaane kis kaam kā hai terā masīhā honā

sānahe aur bhī is 'ahd ke hoñge lekin

haa.e mujh jaise javāñ-sāl kā būḌhā honā

apne dukh chhoD ke auron ka mudawa hona

KHud mere waste achchha nahin achchha hona

ranj ki dhup se yak-laKHt bacha leta hai

mujh pe har waqt mere bap ka saya hona

tera beTa bhi teri tarh ki laDki pe mare

phir tu samjhegi meri man ka shikasta hona

zindagi kya hai tere fitna-e-qamat ka zuhur

maut kya hai tere wa'don pe bharosa hona

bas zara zaKHm-e-mohabbat ki kasak hai warna

mujh ko yaksan hai yahan tera na hona hona

main tere wasl-e-dil-awez ka talib hi nahin

ras aata hai mujhe ab mera tanha hona

ek bimar bhi tujh se na shifayab hua

jaane kis kaam ka hai tera masiha hona

sanahe aur bhi is 'ahd ke honge lekin

hae mujh jaise jawan-sal ka buDha hona