waqt jo ek pal Thahar jae

vaqt jo ek pal Thahar jaa.e

sochiye aadmī kidhar jaa.e

kyā pata mahfiloñ se bhāgā shaḳhs

apnī tanhā.iyoñ se Dar jaa.e

dil bhī marmar sā kyuuñ nahīñ hotā

ġham kī bārish paḌe nikhar jaa.e

aañkh sahrā hai kyā jo banjar ho

aañkh dariyā hai jo utar jaa.e

soch us soch kā tadāruk kyā

jo tirī guftugū meñ mar jaa.e

ḳhvāb kā silsila zarūrī hai

aañkh meñ ik jahāñ Thahar jaa.e

in havāoñ se 'ahd kartā dil

saañs lene se gar mukar jaa.e

us kā honā fuzūl hai 'zobī'

dil se ik baar jo utar jaa.e

waqt jo ek pal Thahar jae

sochiye aadmi kidhar jae

kya pata mahfilon se bhaga shaKHs

apni tanhaiyon se Dar jae

dil bhi marmar sa kyun nahin hota

gham ki barish paDe nikhar jae

aankh sahra hai kya jo banjar ho

aankh dariya hai jo utar jae

soch us soch ka tadaruk kya

jo teri guftugu mein mar jae

KHwab ka silsila zaruri hai

aankh mein ek jahan Thahar jae

in hawaon se 'ahd karta dil

sans lene se gar mukar jae

us ka hona fuzul hai 'zobi'

dil se ek bar jo utar jae