toD kar halqa-e-ayyam nahin aa sakta
toḌ kar halqa-e-ayyām nahīñ aa saktā
jā chukā vaqt kisī kaam nahīñ aa saktā
jaltī āñkhoñ kī talab aur hī kuchh hai sāhab
ḳhvāb se ḳhvāb ko ārām nahīñ aa saktā
merā ye dukh ki maiñ sikka huuñ gaye vaqtoñ kā
terā ho kar bhī tire kaam nahīñ aa saktā
tiir le aa.egā dushman ko manā kar mujh tak
jise bhejā hai vo nākām nahīñ aa saktā
tere shamle kī jagah saañp khaḌā ho jaise
tere sar par koī ilzām nahīñ aa saktā
fikr mat kar mirī bad-nām kahānī meñ 'zahīr'
mere jīte-jī tirā naam nahīñ aa saktā
toD kar halqa-e-ayyam nahin aa sakta
ja chuka waqt kisi kaam nahin aa sakta
jalti aankhon ki talab aur hi kuchh hai sahab
KHwab se KHwab ko aaram nahin aa sakta
mera ye dukh ki main sikka hun gaye waqton ka
tera ho kar bhi tere kaam nahin aa sakta
tir le aaega dushman ko mana kar mujh tak
jise bheja hai wo nakaam nahin aa sakta
tere shamle ki jagah sanp khaDa ho jaise
tere sar par koi ilzam nahin aa sakta
fikr mat kar meri bad-nam kahani mein 'zahir'
mere jite-ji tera nam nahin aa sakta
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
