tez aandhiyon mein uDte par-o-baal ki tarah

tez āñdhiyoñ meñ uḌte par-o-bāl kī tarah

har shai guzishtanī hai mah-o-sāl kī tarah

kyūñkar kahūñ ki dar-pa.e-āzār hai vahī

jo āsmāñ hai sar pe mire Dhaal kī tarah

yuuñ be-sabab to koī unheñ pūjtā nahīñ

kuchh to hai pattharoñ meñ ḳhad-o-ḳhāl kī tarah

ab tak mirā zamīn se rishta hai ustuvār

rehn-e-sitam huuñ sabza-e-pāmāl kī tarah

maiñ ḳhud hī jalva-rez huuñ ḳhud hī nigāh-e-shauq

shaffāf pāniyoñ pe jhukī Daal kī tarah

har moḌ par mileñge ka.ī rāhzan 'shakeb'

chaliye chhupā ke ġham bhī zar-o-māl kī tarah

tez aandhiyon mein uDte par-o-baal ki tarah

har shai guzishtani hai mah-o-sal ki tarah

kyunkar kahun ki dar-pae-azar hai wahi

jo aasman hai sar pe mere Dhaal ki tarah

yun be-sabab to koi unhen pujta nahin

kuchh to hai pattharon mein KHad-o-KHal ki tarah

ab tak mera zamin se rishta hai ustuwar

rehn-e-sitam hun sabza-e-pamal ki tarah

main KHud hi jalwa-rez hun KHud hi nigah-e-shauq

shaffaf paniyon pe jhuki Dal ki tarah

har moD par milenge kai rahzan 'shakeb'

chaliye chhupa ke gham bhi zar-o-mal ki tarah