mushkil se sameTa hai bikhar jaega ek din

mushkil se sameTā hai bikhar jā.egā ik din

dīvāna tire hijr meñ mar jā.egā ik din

ham kulba-e-ahzāñ meñ hī rah jā.eñge baiThe

vo shahr se ho kar bhī guzar jā.egā ik din

ye vaqt jo dariyāoñ kī mānind ravāñ hai

tum dekhnā ye vaqt Thahar jā.egā ik din

DhūñDhe se koī vaj.h-e-judā.ī na milegī

bas tujh se yūñhī dil mirā bhar jā.egā ik din

ham ḳhaak ba-sad-shauq uḌāte haiñ abhī to

vahshat kā ye dariyā bhī utar jā.egā ik din

vo tīra-shabī hogī jahānoñ pe musallat

sūraj bhī nikalte hue Dar jā.egā ik din

baiThe haiñ sañbhāle hue ham saañs kī gaThrī

mā'lūm hai ye raḳht-e-safar jā.egā ik din

mushkil se sameTa hai bikhar jaega ek din

diwana tere hijr mein mar jaega ek din

hum kulba-e-ahzan mein hi rah jaenge baiThe

wo shahr se ho kar bhi guzar jaega ek din

ye waqt jo dariyaon ki manind rawan hai

tum dekhna ye waqt Thahar jaega ek din

DhunDhe se koi wajh-e-judai na milegi

bas tujh se yunhi dil mera bhar jaega ek din

hum KHak ba-sad-shauq uDate hain abhi to

wahshat ka ye dariya bhi utar jaega ek din

wo tira-shabi hogi jahanon pe musallat

suraj bhi nikalte hue Dar jaega ek din

baiThe hain sanbhaale hue hum sans ki gaThri

ma'lum hai ye raKHt-e-safar jaega ek din