kisi se apne taKHayyul ki dad pane ko
kisī se apne taḳhayyul kī daad paane ko
maiñ likh ke dauḌ paḌā huuñ ġhazal sunāne ko
ghaḌī kī sūiyāñ ruktī nahīñ kisī pal bhī
ye jaatā vaqt to aatā hai kaaT khāne ko
haiñ ḳhush to ḳhush hī raheñ apnī ḳhush-samā'atī par
jo shor kahte haiñ chiḌiyoñ ke chahchahāne ko
mujhe to ab ke mushīrān-e-sulh baaz rakheñ
maiñ laḌ paḌūñgā agar phir gayā manāne ko
dubāra ugne lagā huuñ maiñ apne andar se
nayā kiyā hai mohabbat ne mujh purāne ko
kisi se apne taKHayyul ki dad pane ko
main likh ke dauD paDa hun ghazal sunane ko
ghaDi ki suiyan rukti nahin kisi pal bhi
ye jata waqt to aata hai kaT khane ko
hain KHush to KHush hi rahen apni KHush-sama'ati par
jo shor kahte hain chiDiyon ke chahchahane ko
mujhe to ab ke mushiran-e-sulh baz rakhen
main laD paDunga agar phir gaya manane ko
dubara ugne laga hun main apne andar se
naya kiya hai mohabbat ne mujh purane ko
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
