badalta hai zamana apni chaal aahista aahista

badaltā hai zamāna apnī chaal āhista āhista

ba-misl-e-din guzartā jaa.e saal āhista āhista

mudāvā vaqt ne hī kar liyā hai saare zaḳhmoñ kā

tumhāre hijr par aayā zavāl āhista āhista

nigāhoñ ko uThā kar mere dil ko chhalnī kar Daalā

nigāhoñ ke sinān ab to nikāl āhista āhista

bahut muddat guzar jaane ke baa'd un ke javāb aa.e

kiye the un se maiñ ne jo savāl āhista āhista

mohabbat dekhtī kaise hai ab hairat ke 'ālam meñ

farebī husn phailā.e hai jaal āhista āhista

abhī tak is jahāñ vāloñ ne paale āstīnoñ meñ

kisī nāgin ko tū is dil meñ paal āhista āhista

ye zarre āsmānoñ par sitāre hone vaale haiñ

falak kī samt mujh ko bhī uchhāl āhista āhista

kisī kī yaad meñ dil ko bikharte dekhā hai 'arqam'

use kahnā mire dil ko sañbhāl āhista āhista

badalta hai zamana apni chaal aahista aahista

ba-misl-e-din guzarta jae sal aahista aahista

mudawa waqt ne hi kar liya hai sare zaKHmon ka

tumhaare hijr par aaya zawal aahista aahista

nigahon ko uTha kar mere dil ko chhalni kar Dala

nigahon ke sinan ab to nikal aahista aahista

bahut muddat guzar jaane ke ba'd un ke jawab aae

kiye the un se main ne jo sawal aahista aahista

mohabbat dekhti kaise hai ab hairat ke 'alam mein

farebi husn phailae hai jal aahista aahista

abhi tak is jahan walon ne pale aastinon mein

kisi nagin ko tu is dil mein pal aahista aahista

ye zarre aasmanon par sitare hone wale hain

falak ki samt mujh ko bhi uchhaal aahista aahista

kisi ki yaad mein dil ko bikharte dekha hai 'arqam'

use kahna mere dil ko sanbhaal aahista aahista