tere nashe ka lahu mein KHumar baqi hai
tire nashe kā lahū meñ ḳhumār baaqī hai
ḳhizāñ-rasīda shajar par bahār baaqī hai
guzarne vaale guzar kar chale gaye kab ke
bas ab to yaad kī ik rah-guzār baaqī hai
vo ek pal ki mayassar hue the tum jis meñ
hisāb-e-'umr meñ us kā shumār baaqī hai
kisī kī aañkh meñ Thahrā huā koī aañsū
kisī ke zabt kā ban kar vaqār baaqī hai
maiñ dafn kar na sakā jis ko apne siine meñ
us ek yaad kā dil meñ mazār baaqī hai
sukūt-e-dahr meñ ye kis kā shor hai 'ehsān'
ye kis sadā kī abhī tak pukār baaqī hai
tere nashe ka lahu mein KHumar baqi hai
KHizan-rasida shajar par bahaar baqi hai
guzarne wale guzar kar chale gaye kab ke
bas ab to yaad ki ek rah-guzar baqi hai
wo ek pal ki mayassar hue the tum jis mein
hisab-e-'umr mein us ka shumar baqi hai
kisi ki aankh mein Thahra hua koi aansu
kisi ke zabt ka ban kar waqar baqi hai
main dafn kar na saka jis ko apne sine mein
us ek yaad ka dil mein mazar baqi hai
sukut-e-dahr mein ye kis ka shor hai 'ehsan'
ye kis sada ki abhi tak pukar baqi hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
