husn ka ab koi waqar nahin

husn kā ab koī vaqār nahīñ

be-sabab 'ishq sog-vār nahīñ

hasrat-e-dīd kyā kare koī

lazzat-e-vasl pā.e-dār nahīñ

rang par apne tū na itrā gul

koī mausam sadā bahār nahīñ

mujh ko pahchāntā hai har patthar

kū-e-jānāñ hai regzār nahīñ

kyā sitam hai ki qais tanhā hai

aur sahrā bhī ġham-gusār nahīñ

hādsa hai ye bazm-e-ulfat meñ

ek bhī shaḳhs dil-figār nahīñ

mai-kade band kar diye jaa.eñ

chashm-e-mai-kash meñ ab ḳhumār nahīñ

garche paivand haiñ hazār magar

merī poshāk dāġh-dār nahīñ

merī ḳhāmoshiyoñ kī chīḳhoñ se

kis kā dil ab bhī ashk-bār nahīñ

baal kī khaal mat utaar 'akram'

koī bhī baat be-ġhubār nahīñ

husn ka ab koi waqar nahin

be-sabab 'ishq sog-war nahin

hasrat-e-did kya kare koi

lazzat-e-wasl pae-dar nahin

rang par apne tu na itra gul

koi mausam sada bahaar nahin

mujh ko pahchanta hai har patthar

ku-e-jaanan hai regzar nahin

kya sitam hai ki qais tanha hai

aur sahra bhi gham-gusar nahin

hadsa hai ye bazm-e-ulfat mein

ek bhi shaKHs dil-figar nahin

mai-kade band kar diye jaen

chashm-e-mai-kash mein ab KHumar nahin

garche paiwand hain hazar magar

meri poshak dagh-dar nahin

meri KHamoshiyon ki chiKHon se

kis ka dil ab bhi ashk-bar nahin

baal ki khaal mat utar 'akram'

koi bhi baat be-ghubar nahin