ye kaisa shahr hai jis mein hawa bhi gum ho jae

ye kaisā shahr hai jis meñ havā bhī gum ho jaa.e

agar maiñ chīḳh paḌūñ to sadā bhī gum ho jaa.e

na koī saaya na āvāz kā nishāñ koī

yahāñ to aadmī kā naqsh-e-pā bhī gum ho jaa.e

maiñ jis galī meñ kabhī nuur bāñTtā thā vahāñ

agar charāġh jalā.ūñ ziyā bhī gum ho jaa.e

ḳhamoshī oḌh ke Thahre haiñ yuuñ dar-o-dīvār

ki lafz boleñ to sab mājrā bhī gum ho jaa.e

ta'alluqāt kī is dhund meñ huuñ gum 'sāġhar'

talāsh ḳhud ko karūñ to ḳhudā bhī gum ho jaa.e

ye kaisa shahr hai jis mein hawa bhi gum ho jae

agar main chiKH paDun to sada bhi gum ho jae

na koi saya na aawaz ka nishan koi

yahan to aadmi ka naqsh-e-pa bhi gum ho jae

main jis gali mein kabhi nur banTta tha wahan

agar charagh jalaun ziya bhi gum ho jae

KHamoshi oDh ke Thahre hain yun dar-o-diwar

ki lafz bolen to sab majra bhi gum ho jae

ta'alluqat ki is dhund mein hun gum 'saghar'

talash KHud ko karun to KHuda bhi gum ho jae